Pallas
De la beaùté et de la fachon de Pallas
extrait de Les Eschéz d'Amours d’Évrart de Conty composé autour de 1400
Ceste dame de tous biens plaine
N’estoit pas de fachon villaine,
Ains estoit tres belle a devis
Et par especïal de vis,
Car en sa parfaitte figure
Fust gardee toute mesure,
Si que nulz ne peuist comprendre
Qu’il y euist riens a reprendre,
Tant estoit par bien figurés.
Et s’estoit aussy coulourés
D’une couleur vive et si fresche
C’oncquez dame en cuer de jonesche
Ne pot couleur plus fine avoir.
Si vous fay je bien assavoir
Quelle n’es toit pas josne d’ans,
Ains estait de l’anchiien temps,
Aussy vielle ou plus que Nature.
Mais elle es toit d’une texture
Si ferme et de si noble affaire
Que la beaulté de son viaire
Tousdis demouroit en un point:
Si longz temps ne l’empirait point.
Sans faille, c’est chose certaine,
C’om peuist regarder a paine
Ceste deesse entre deux ieulx,
Car elle avoit - si m’aït Dieux
Les yeulx si clers et si ardans
Qu’il samblast a tous regardans
C’om veïst deux ardans chandeilles,
Tant reluisaient a merveilles.
Ceste deesse solempnelle,
Qui tant avoit la face belle,
Et tant digne et tant reverente
Que nulz homs vivans- a m’entente
Ne le vous pourroit exprimer,
Tant sceuist soubtilment rimer,
A voit aussy - bien me recors-
Tout le remenant de son corps
Si bien mesuré et pourtrait
C’on n’y veïst un seul mestrait.
Mais c’estoit chose esmerveillable
Que sa grandeur estoit muable,
Dont trop forment je m’esmeoye,
Car aucunes fois je veoye
Qu’elle estoit de grandeur commune,
Et aultres fois aussy aucune
Telle grandeur luy sourvenoit
Qu’il me sambloit qu’elle avenoit
Jusqu’au ciel lassus proprement.
Et s’estoit tel fois ensement,
Quant elle se vouloit hauchier,
C’on luy veoit les cieulx perchier
Et c’om en perd oit la veüe,
Si qu’estre ne peuist veüe;
Et quant illuy plaisait arriere,
Si prend oit sa grandeur premiere.
Ainsy se mouvoit treblement
Assez esmerveillablement
La deesse saige et meüre.
Or oéz de la vesteüre
Que je lu yvy ad ont avoir.
De sa vesteüre
La vesteüre, au dire voir,
Estoit moult digne et moult parfaitte,
Car elle estoit tissue et faitte
De filz deliez et soubtilz,
Qui estoient fais tous faitiz
D’une matere incorrompable
Et d’œuvre si esmerveillable
-Se dieux me gart d’anuy et d’ire
Que je ne vous saroie dire
Proprement que ce pooit estre,
Car pas n’estoit chose terrestre
Në œuvre fait par art commune,
Mais par aultre maistrie aucune.
Et brieflnent, Pallas la deesse,
Qui de tristre est bonne maistresse,
L’avoi t fait, si corn dire oysmes,
A ses propres mains lui meïsmes.
Sans faille,j’ay apparceü,
Quantj’ay bien l’euvre conceü,
Qu’en celle cotte dessus ditte,
Qui tant estoit de grant meritte,
Avoit trois diverses cou.leurs
De moult precïeuses valeurs,
Dont elle estoit entremellee;
Et s’estoit longue et large et lee,
Telle que doit estrela cotte
D’une dame honneste et devote,
Car telle estoit elle, sans faille.
De tel maniere et de tel taille
Estoit la cotte de Pallas.
Mais encor ne suy je pas las;
Ains vous diray le remanant
Que je vy de son cou venant.
Des armes de Pallas
Vous devés apprés bien savoir
Que Pallas, pour victoire avoir,
Est communement soirs et mains
De trois choses an·aiee aumains.
Briefment, elle est acoustumee
D’avoir tousdis la teste armee
D’un hyaulme qu’elle y fait lac hier
Plus dur que nul aultre d’a chier,
Car il est de tel tempreüre
Qu’il n’est espee n’arme Ure
Qui les peuist quasser ne fendre.
Et si porte pour luy dcffcndrc
Trop voulentiers en sa main destre
Une lance, et en la senestre,
Un escu merveilleux ct fort,
Qui li reffait moult de confmt,
Ouquelune teste se moustre
D’une trop merveilleuse monstre.
Toutes fois la deesse honncste
N’avoit pas son hayaulmc en teste
Quant je la vis a celle fois;
Mais c’est m’esperance et ma fois
Qu’elle l’avoit fait a ca utelle
Pour moy moustrer sa face belle
Mieulx et plus descouvertement,
Affin que plus appertement
De sa beaulté jugier peuisse,
Se la voulenté en euisse.
Ceste dame que je pris sy
N’estait pas sans couronne a ussy,
Ains en avoit une si chiere
Qu’il n’est aultre qui si affiere,
Se n’est ce l’espoir de Nature.
Mais celle encor par aventure,
A ceste pas ne se compere,
Car elle vint de Dieu le pere,
Qui par maniere especïal
De ceste couronne royal,
Voult couronner en paradis
Pallas la deesse jadis.
Et sachiéz qu’entour lu y tous temps
A voit chieuettez voletans
Et toumians entour sa teste
Aussy corn pour lu y faire feste.